Парижде өтіп жатқан жазғы Олимпиада ойындарында дзюдодан ерлер арасында 60 кг салмақта бақ сынаған қазақ елінің мақтанышы Елдос Сметов чемпион атанды. Елдос дзюдодан Олимпиада тұғырын бағындырған тұңғыш қазақстандық дзюдошы. Жаңа тарих жасады! Бұрын соңды болмаған жетістік! Талай жылғы еңбек пен тер ақталды. Елдос Олимпиаданың үшінші медалін алып отыр. Қоржынында Олимпиаданың үш түрлі медаль бар. Бұған дейін Риода күміс, Токиода қола алған.
Елдос Париж татамиінде алдымен Нидерланд дзюдошысы Торнике Чкадуканы ескертумен жеңсе, екінші белдесуінде украиналық Дильшот Халматовты ваза аримен жеңді. Ширек финалда Тайпей мықтысы Янг Юн Вэйден ваза ари ұпайымен басым түсті. Жартылай финалда 2023 жылғы әлем чемпионы Франциско Гарригосты сан соқтырып финалға шықты. Финалда 2019жылғы әлем чемпионы Токио Олимпиадасының қола жүлдегері алаң иесі Лука Мхейдзені жеңіп, Олимпиаданың алтын жүлдесіне қол жеткізді.
