27 шілде.
Париж олимпиадасында қазақстандық боксшылардан Нұрбек Оралбай (80 келі) мен Мұхамедсабыр Базарбайұлы (63,5 келі) шаршы алаңға шығады. Нұрбек әлем чемпионы ретінде Олимпиада ойындарында бақ сынайды. Қос боксшы да Олимпиадаға алғаш рет қатысқалы отыр. Екі бауырымызға да тұсаукесер жекпе-жектерінде сәттілік тілейміз!
Нұрбек Оралбайдың бүгінгі қарсыласы Аустралия боксшысы Петерс. Нұрбек аустралиялық қарсыласын жеңсе, әзербайжандық Аллахбердиев және мысырлық Абделгаввард жұбының қай жеңгенімен екінші айналымда қолғап түйістіреді.
Мұхамедсабыр Базарбайұлының алғашқы қарсыласы Испания боксшысы Ойер Ибарче Конде. Одан өтсе тайпейлік Лай Самен жұдырықтасады.
